सगळे असून आज मी एकटा

सगळे असून आज मी एकटा
देवा सांग रे माझा अपराध,
तोडून नेताना माझ्या प्रेमाच्या माणसांना
मलाही घ्यायचं होतस ना उदरात..!!

सगळी सुख जरी दारी उभी अन
आनंद जल्लोषाचा माहोल पुरा,
जीवनाच्या ह्या प्रत्येक टप्प्यावर
तुमच्याविना मी कायम अधुरा..!!

मातीचा गोळा घडवत गेलात
घालून माया ममतेचं शिंपण,
दैवाचा फेरा भेदून गेला अकस्मात
दोन जीवांचं ह्या जीवासाठीचं कुंपण..!!

नियतीचा हा नियम मान्य पण निर्माण
करतो आयुष्याभरासाठीची निर्वात पोकळी,
आपल्या माणसांची जागा कुणी घेईल कि
जन्मभर राहणार ती अशीच मोकळी..!!

आतुरतेने प्रतीक्षा आता वाटत
कुणीतरी हक्काचं आपलं असं असावं,
खोट हसून जीव थकला आता
कधीतरी जरा खर खरंही हसावं..!!