तुझी सोबत असताना

आठवते अजूनही तुझ्या
माझ्यातलं भांडण वादळी
मिठीत विसावताच पुन्हा
खुलणारी तुझी कळी
मन जेव्हा गुंतून जातं
नकळत आठवणीत
तुझ्या माझ्या नात्याचं
उलगडतं हळूच गुपित 


मावळतीचा सूर्यही
जेव्हा प्रेमरंगी रंगतो
नाद तुझ्या आठवांचा
हळूच कानी गुंजतो

काल काळजाशी तुझ्या
आठवणी भांडल्या
झोपताना कुशीवर
डोळ्यातून सांडल्या

तुझी सोबत असताना
मी शब्दच विसरतो
तुझ्या डोळ्यातले भाव
मी शब्दाविनाच वाचतो

शब्दाविना सखे तू
डोळ्यातून बोलतेस
आधी दूर जाऊन मग
आठवणीतून छेडतेस.

ऐलतीर अन पैलतीर
मध्ये आयुष्य चालले
ओढ जीवाला सतावे
वेड्या आशेला लागले

कसे संपावे मीपण
कसा मिळावा किनारा
वाहणाऱ्या या पाण्याला
दोन बाजूंचा आसरा

दोन टोके संसाराची
एक तू अन एक मी
साथ देऊ चालताना
संसारी मग काय कमी

तुझ्यावीण आयुष्य कठीण आहे मला
हे तू चांगल्याप्रकारे जाणतेस ...
तरी ही अशी तू दूर जावून
माझ्या मनाशी का ग खेळतेस ....


 कुणास ठाऊक का
आज मला चंद्र व्हावेसे वाटतेय..
ढगा आड लपून गपचूप...
तुला पाहावेसे वाटतेय..


पावसाने आज ...
कमालच केली.....
निसर्ग फुलवायला त्याने..
चक्क पगाराची मागणी केली..

अधीर मनातून बरसलेल्या..
त्या शब्दांकडे निरखून बघ.
अजून हि तुझ्या वाटेवर..
तुझ्या येण्याची प्रतीक्षा करताहेत बघ..